Skaùce Eùropë w najim Mùzeùm
W czasu, czedë naju Mùzeùm, w òbrëmienim projektu South Baltic Manors, rëchtëje wëstawã ò grifach… pòjôwiają sã kòl naju „grifòwi” Skaùce Eùropë z Ùstczi a Słôwska. Mùńdurë skaùtów òbzdobioné są erbama pòmòrsczégò a zapôdnopòmòrsczégò wòjewództwa, co je dokôzã, że grif je wcyg żëwim symbòlã całégò Pòmòrzégò.
Naju gòscë zapòznelë sã z kaszëbską historëją i kùlturą a téż najim jãzëkã na apart ùczbach, a zwiedzëlë wëstawë w pałacu i Ksążnicë Profesora Gerata Labùdë.
Wcyg gòrąco a serdeczno rôczimë na ùczbë a warkòwie rëchtowóné bez naju Mùzeùm!
rd, òdj.: fb Skauci Europy Sławsko
