Marzec 18, 2020 Category : Mùzealnô Klëka

Mùzealnô Klëka nr 1

Mómë 17 strumiannika 2020 rokù, czej bùten je snôżé wiodro a na swiece szôleje kòrunowé pòszëdło. Dzysô w najim Mùzeùm Pismieniznë a Kaszëbskò-Pòmòrsczi Mùzyczi we Wejrowie òdemknãlë jesmë prôce, jaczé przëszłë na VII Òglowòpòlsczi Kòmpòzytorsczi Kònkùrs na pasyjny chùrowi  dokôz w kaszëbsczim jãzëkù. Wpłënãło jich dzewiãc, z całi Pòlsczi. Terô òbsądzëcelowie zbierzą sã do grëpë a òbtaksëją, kòmù dac 2 tës. złotëch, kòmù półtora, kòmù tësąc a kòmù, jakno wëprzédnienié 500 zł. Dëtczi pòszpandérowelë mùzeùm z projechtë Minister Bënowëch Sprawów a Administracje pòspòłu z samòrządzëną Wejrowsczégò Pòwiatu. Rozrzeszenié mdze bez jinternetë, ju we Wiôldżi Piątk, żelë czasã chiżni Jastrë nie mdą òdwòłóné.  

 

 

mal. Joanna Grudnik

Utwory muzyczne