Wielkanoc 2020
Kòżdi tak teskni i wzdichô do słuńca
Szeptã sã pitô – czej zôs zagrô róg
(Józef Cenôwa, Jastra 1945 r.)
Z leżnoscë Jastrów, jaczé we wiele chëczach są latos przemikłé nié leno redotą, ale téż kòmùdą i strachã ò przińdnotã, wszëtczim najim drëchóm i lubòtnikóm żëczimë mòcny nôdzeji, że zôs dzejowi róg nama zagrô wiesołą melodiã.
Niech Zmartwichwstóny Christus, chtëren dobéł nad grzéchã i smiercą, dô nama wiarã, że zrzeszony wkół dobra më téż dobãdzemë ze wszëtczima pòszëdłama, smùtkama i tim, co nama grãdzy.
Bëlnëch Jastrów!
